لاتحط بيــدي الشمس وأحلامي بيد

لاتحــط بيــدي الشمــس وأحلامي بيـــد
ولاتهيـــيج ع الفقــير اجــروحـــه

ولاتقــلي بيســرك وعســرك أعيــش
وأنته قصــرك ع السمى وتــلوحــه

عوفني بحــالي تراني بــلايــه أيـــد
وأنتــه شباكــك زُحــل شيــلوحـــــه

شلون ماتدري الحــلم دم الفقيـــر
ماتشــوف احلامـــه قــد جـــروحــه

روحي مــذبوحه ذبــح وتريــد أطــير
منين لي حــظ يطــير المذبــوحـــــه

لاتأمــلــني بحجــي ماجــاســه ظــيم
كفــي دق بــوب السمــى المفــتوحــــه

وحظــي دق أثبات بجناح الفقير
لايصعــده ولاينزلــه سطــوحــه

أنته بعــدك مانمــت فـوق الحصيــر
وغمــست لقمــت ملــح بمــلوحــه

لاتــلامــسني بطــرف عيــنك أذوب
أنا من دم ولــحم مو لــوحــه

ولاتطــالع لي بطرف عينــك أخاف
أنا مــوشايف جــسر مــد روحـــه

ولاتقــلي اتــمرجــح شمــالك تخــاف
كنت أريــدك للسمــى تــوديني

بس خايف ينقــطع رمــشك وأطيــح
وباجــر تقــل لي طــحت من عيـــني

روح دور لك مــحب يرهــم عليــك
أنا قــامــوس العشــكَ طاوينــي

خلني راضي بفقــري وأنته ارضــى بغنــاك
وعوف عيســى بديــنه وانا بديـــني

ولو خلاني الوكــت بعت اللحـــاف
يعني هســه بيــش أمـــد رجليــني

لكن أدري بدربي عن دربــك بعيـــــــد
ومن زغــر هذا الفــرق بجـــــاني

أنتــه دفـــاك الثــلج عن لاتمــوت
وأنا ميــت والثــلج دفــاني

وأنتــه كــاروك الذهب ماكفــى أديـــــك
وأنــا كاروك القصــب كفــاني

وحــتى لاأحــلم وأمــد كفــي السمــــاك
وأنا أرضــع قمــطو ذرعــــانــي