والذي خلق ذي الكفل والياس
فرشت دروبكم بالورد والياس
بعدكم ماجفاني الحزن والياس
اعزاز وفرگاكم تصعب علية
*****************
احرگ الجلد لاجلك واسمر
واگضي الليالي افكر بيك واسمر
علي خطف نادين وعاف اسمر
وسفة ياعلي خنت اسمر والصداقة سوية
*********************
الشط شما يفيض عليك ناقص
اجمع واقسم بيك وتطلعلي ناقص
بكل البشر ماشفت مثلك ناقص
نذل بالذات وطباعك ردية
***********************
اصير لعيونك رماد وانذر
بس اشوفك اطش چكليت وانذر
بملعب الحب حكم اصير وانذر
وانطي احمر بس موبيك بية
************************
سريتو الظعن ياترف هاوين
جفيتوني ولعند الغير هاوين
هاوين ياحلو الطول هاوين
يالجمالك شبه الگمر من سطع ضيه
************************
يقاري البخت گلتلي انه مبخوت
رحت اشتغل دفان محد رضى يموت
************************
اريد اصنع دوى لروحي واسمها
چتلني شكل فلانة واسمها
راح انشد قصيدة لنفسي واسمها
فندني الهوة وذبني بنوية
***********************
ترى اذا تهجرني من غير وداع
صدك اشيل الگاع واضربها بالكاع
*************************
كافي من الزعل درجع ورضنة هجرك دگ دگ عظامنة ورضنة
لو مريت ببلادنة وارضنة
تكوم الخارطة وتاخذلك تحية
موضوع: ابوذيات منوعة 
2/9/2011, 3:10 am
