يلموني اعله حبك همه مايدرون......

يلموني اعله حبك همه مايدرون
روحي بلا يروحك تنحسب ميته

ويلموني اعله حبي واني عرفك زين
بانفاسك تشمني وكلبك اسكنته

ياعشكك بكلبي شلون اوصفه شلون
مثل جفني اعله عيني لمن اطبكته

انه اهواك بعنف بخبال الاعصار
اهواك بترافه برقه النبته

احس روحي احبك كلش من زمان
كبل لاجدنه ادم تبتدي قصته

كبل لا انطق اسمك اني ماموجود
وباسمي من انطقت ميلادي سجلته

انه بسر ارد اخبرك قبل ما احاجي
ولو شيخي كلبي عيوني فاضحته

لحبك مادخت ماخططت فد يوم
على كصتك شفت مكتوبلي انته

وعلى كصتي شفت انه الك مقسوم
لان وجهك امرايه وجهي عاكسته !!

لذلك ماالوم الناس من يحجون
مدريهم بعمري لعمرك انذرته

يانسمه غرام ومرت بمخنوك
ياشمعه فرح يادفو وسط اشته

ياعيد المسيح الماله اخر يوم
يااجمل جميل بدنيتي عرفته

يامملكه طيبه وقلعه احساس
ورد عمري صبح وبابك انثرته

ولبستان خيرك كاصد انه اليوم
اكعد تحت فيه وابجي بسكته

واكوم وبيدي احوش العنب والرمان
واصيح بعالي صوتي الردته حصلته

يامملكه طيبه وقلعه احساس
ورد عمري صبح وبابك انثرته

روعــــــــــــه تسلم ايدك